Ijtimoiy tarmoqlarda Uzbekistan Airways Safe Takeoff kompaniyasining 30 yilligini nishonlash maqsadida tanlov o‘tkazilayotgani haqida xabarlar tarqaldi. Aviakompaniya axborot xizmati holat yuzasidan raddiya berdi.
Qayd etilishicha, tanlov doirasida 3 million so‘m pul mablag‘i va sovg‘alar o‘ynalishi e’lon qilingan. Uzbekistan Airways yo‘lovchilardan plastik karta ma’lumotlarini notanish saytlarga va havolalarga kiritmaslikni va bunday firibgarlardan ehtiyot bo‘lishni so‘ragan.
“Kompaniya tanlovlarni faqat ijtimoiy tarmoqlardagi rasmiy sahifalarida o‘tkazadi”, — deyiladi xabarda.
Avvalroq O‘zbekistonda barcha qo‘ng‘iroqlar yozib olinib, ijtimoiy tarmoqlar nazorat qilinishi haqidagi xabarga raddiya berilgandi. Shuningdek, O‘zbekiston prezidenti va Sog‘liqni saqlash vazirligining soxta veb-saytini yaratib, fuqarolarning pullarini o‘g‘irlamoqchi bo‘lgan firibgar ushlangan.
Mavzuga doir:
- Andijonda ayol maymunchechak kasalligiga chalingani haqidagi xabarlarga raddiya berildi
- O‘zbekistonda 1-iyun kuni munosabati bilan hamma bolalar uchun 200 ming so‘m berilishi to‘g‘risidagi xabarlar rad etildi
- O‘zbekistonda ikki nafardan ortiq farzand ko‘rishga cheklov o‘rnatilayotgani haqida tarqalgan xabarlar rad etildi
Izoh (0)