Yangi Zelandiya Rossiya va Belarusning 44 kompaniyasiga, jumladan, “Gazprom” va Belarus mudofaa korxonalariga qarshi sanksiyalar kiritdi.
“Qirq to‘rtta tashkilot, jumladan, oltita Belarus mudofaa korxonasi so‘nggi sanksiyalar ostida qoldi. Yangi zelandiyaliklarga bu kompaniyalar bilan ishlash taqiqlanadi”, — dedi Yangi Zelandiya Tashqi ishlar vazirligi rahbari Nanaya Mahuta.
Hukumat saytida e’lon qilingan xabarga ko‘ra, sanksiyalar ro‘yxatida “Gazprom”, shuningdek, qurol va harbiy texnika ishlab chiqarish bilan shug‘ullanuvchi tashkilotlar bor.
Unda qayd etilishicha, sanksiyalardan jabr ko‘rgan korxonalar “Rossiya uchun strategik ahamiyatga ega”, chunki ular mamlakatni xomashyo, infratuzilma, aloqa, transport, qurol-yarog‘ va moliya bilan ta’minlaydi.
Ilgari Yangi Zelandiya Rossiyadan jismoniy shaxslar, moliya institutlari va mudofaa korxonalarini sanksiyalar ro‘yxatiga kiritgan edi.
Yevroittifoq Rossiyaga qarshi sanksiyalarning oltinchi paketi doirasida “Yandeks” kompaniyasi asoschisi Arkadiy Volojni sanksiya ro‘yxatlariga kiritgan edi. Shundan so‘ng Voloj barcha lavozimlaridan bo‘shadi. Kompaniya aksiyalari esa tushib ketdi.
Izoh (0)