Bugun 7-iyun kuni, Ukrainaning Karpatorti viloyatiga O‘zbekistonning qiymati 1 million dollar bo‘lgan gumanitar yordam paketi yetib bordi. Bu haqda viloyat rahbari Viktor Nikita ma’lum qildi.
Viktor Nikitaning so‘zlariga ko‘ra, 19 tonnadan ortiq dori-darmonlardan iborat gumanitar yordam samolyot orqali OVA(viloyat harbiy ma’muriyati)ning Slovakiyadagi gumanitar markaziga olib kelingan, shundan so‘ng ushbu yordam Ukrainaning Karpatorti viloyatiga yetkazilgan.
Gumanitar yordam zudlik bilan jangovar hududlardagi harbiy shifokorlarga va himoyachilar davolanayotgan gospitallarga yuboriladi.
Ukraina tomoni yuborilgan yordam uchun o‘zbekistonlik ko‘ngillilarga hamda Ukrainaning O‘zbekistondagi favqulodda va muxtor elchisi Nikolay Doroshenkoga muvofiqlashtirish va samarali gumanitar yo‘lak tashkil etgani uchun chin dildan minnatdorchilik bildirgan.
O‘zbekiston Ukrainaga ilk gumanitar yordamni 8-aprel kuni jo‘natgan edi.
Izoh (0)