Jahon sog‘liqni saqlash tashkiloti (JSST) dunyoning 30 ta mamlakatdagi odamlar orasida maymunchechak bilan kasallanish bo‘yicha 550 dan ortiq holatni qayd etdi. Bu haqda JSST saytida aytilgan.
“Hozirgi kunga qadar 30 ta davlatdan 550 kishida maymunchechak tasdiqlangan. Ushbu mamlakatlar kasallik uchun endemik emas”, — dedi JSST rahbari Tedros Adxanom Gebreyesus.
Uning so‘zlariga ko‘ra, maymunchechak epidemiyasi bo‘yicha tadqiqotlar davom etmoqda, ammo virusning ko‘plab mamlakatlarda to‘satdan va bir vaqtning o‘zida paydo bo‘lishi shundan dalolat beradiki, maymunchechak bir muncha vaqt davomida sezdirmasdan yoyilgan.
JSST rahbari kasallanishlar soni ortib borishini qo‘shimcha qildi, shuningdek, u maymunchechak belgilari o‘z-o‘zidan yo‘qolishini, biroq ba’zi hollarda kasallik og‘ir kechishi mumkinligini qayd etdi.
Avvalroq Nigeriyada maymunchechakdan birinchi o‘lim qayd etilgandi.
JSST maymunchechakning tarqalishini to‘xtatish mumkin, bu ommaviy emlashni talab qilmaydi, deb hisoblamoqda. Microsoft asoschisi va xalqaro sog‘liqni saqlash dasturlari sarmoyachisi Bill Geyts ham maymunchechakning keng tarqalishi va yangi pandemiyaga sabab bo‘lishini ehtimoldan yiroq, deb baholagan.
Izoh (0)