Braziliyaning shimoli-sharqidagi Pernambuku shtatida yog‘ingarchilik tufayli yuzaga kelgan ko‘chkilar qurbonlari soni 120 kishiga yetdi. Bu haqda G1 portali mahalliy hokimiyat organlariga tayanib, xabar berdi.
Avvalroq tabiiy ofatlarda 106 kishi halok bo‘lgani, 25 nafar aholi jarohatlangani, 6,2 mingga yaqin kishi boshpanasiz qolgani haqida xabar berilgandi. Qidiruv ishlari davom etmoqda, ularga 400 dan ortiq qutqaruvchilar jalb etilgan. Milliy fuqarolik mudofaasi xizmati ma’lumotlariga ko‘ra, Pernambukoga qo‘shni Alagoas shtatida yana uch kishi halok bo‘lgan.
Resifi (Pernambuku shtatida) shahri va uning atrofida 20-maydan beri yomg‘ir to‘xtamayapti. Meteorologiya xizmati ma’lumotlariga ko‘ra, birgina 29-may kuni ertalab va tunda shtat poytaxtining ba’zi hududlarida bir oylik yog‘ingarchilikning 70 foizigacha yomg‘ir yog‘gan, bu esa suv toshqinlari va ko‘chkilarga olib kelgan. Poytaxt va hududning boshqa 23 ta munitsipalitetlarida favqulodda holat e’lon qilingan.
Mahalliy OAV hisob-kitoblariga ko‘ra, so‘nggi olti oy ichida Braziliyaning Baiya, Minas-Jerays, Pernambuku va Rio-de-Janeyro shtatlarida yog‘ingarchilik oqibatida 400 dan ortiq odam halok bo‘lgan.
Izoh (0)