Mutaxassislarning fikricha, Rossiyaga sanksiyalar fonida iqtisodiyotni 2021-yildagi darajasiga qaytarish uchun o‘n yil kerak bo‘ladi. Bu haqda S&P Global Market Intelligence prognoziga tayanib, “RBK” xabar berdi.
2022-yilda Rossiya yalpi ichki mahsuloti 11,1 foizga qisqardi.
2023-yilda Rossiya yalpi ichki mahsulotning pasayish darajasini 1,9 foizgacha sekinlashtirishi mumkin. O‘sish faqat 2024-yilda kutilmoqda — 1,6 foiz.
Ekspertlar fikricha, 2026-yilga borib yalpi ichki mahsulot 1,9 foizga o‘sadi.
2022-yilda Rossiyada inflyatsiya 17,8 foizgacha ko‘tariladi. 2023-yilda u 10 foizga, 2024-yilda 7,5 foizga, 2026-yilga kelib 4,6 foizgacha pasayadi.
Tahlilchilar 2022-yilda Ukraina yalpi ichki mahsuloti 45,7 foizga pasayishini taxmin qilmoqda.
Shuningdek, Rossiya bilan yaqin iqtisodiy aloqalari tufayli Belarus, Qirg‘iziston va Tojikiston iqtisodlari ham pasayadi.
AQSH iqtisodiy o‘sishi 2022-yilda 3 foizga, 2023-yilda esa 2,8 foizga sekinlashishi kutilmoqda.
2022-yilda global yalpi ichki mahsulot o‘sishi 3,2 foizgacha sekinlashadi.
Rossiya iqtisodidagi pasayish Rossiyaning Ukrainada 24-fevralda boshlangan harbiy operatsiyasi fonida kuzatildi.
Xalqaro valyuta jamg‘armasining (XVJ) prognoziga ko‘ra, joriy yil natijalariga ko‘ra, Rossiya yalpi ichki mahsuloti 8,5 foizga, 2023-yilda 2,3 foizga kamayadi.
Avvalroq Putin Rossiya iqtisodiyoti barqarorlashganini ma’lum qilgani to‘g‘risida xabar berilgan edi.
Izoh (0)