O‘zbekiston tashqi oltin bozorida Rossiya bilan raqobatlashishni rejalashtirmayapti. Bu haqda Shuhrat Vafoyevga tayanib, “RBK” ma’lum qildi.
2021-yilda O‘zbekiston va Rossiya qimmatbaho metallar eksporti bo‘yicha jahon yetakchilari qatoridan joy olgan. Sanksiyalar tufayli Rossiyaning oltin qazib oluvchi kompaniyalari o‘z mahsulotlarini sotishda muammolarga duch kelmoqda.
“Oltin bozori juda o‘ziga xos. Biz sotganimizdan ham ko‘proq oltin ishlab chiqaramiz. Bugungi kunda O‘zbekistonda qazib olinayotgan oltin to‘liq Markaziy banki tomonidan sotib olinadi va oltin valyuta zaxiralarining bir qismi hisoblanadi. Ya’ni marketing va maqsadli ravishda yirik oltin bozorida o‘z o‘rnini egallashga harakat qilish degan narsa yo‘q”, — dedi Vafoyev.
O‘zbekistonda yiliga 100 tonnaga yaqin oltin qazib olinadi. Shu bilan birga, mamlakat Markaziy bankiga barcha mahalliy tozalangan oltinni sotib olishda ustuvor huquq berilgan. Oltin mahalliy Markaziy bank xalqaro zaxiralarining qariyb 60 foizini tashkil qiladi.
2020-yilda O‘zbekiston oltin eksportining deyarli 92 foizi ushbu qimmatbaho metall bo‘yicha eng yirik xalqaro savdo markazi Buyuk Britaniyaga to‘g‘ri kelgan. 7 foizi esa (483 mln dollar) Rossiyaga sotilgan.
O‘zbekiston Rossiya bilan bir qatorda oltin eksport qiluvchi yetakchi o‘ntalikka kiradi. O‘tgan bir necha oy ichida esa respublika eng ko‘p oltin sotuvchiga aylanadi. Jahon oltin kengashi ma’lumotlariga ko‘ra, bu 2022-yil fevral oyida sodir bo‘lgan.
Avvalroq O‘zbekistondagi Muruntov oltin koni 2021-yilda ham dunyodagi eng ko‘p oltin ishlab chiqargan kon bo‘lgani haqida xabar berilgan edi.
Izoh (0)