Bugun,

  • USD 11014.01
  • RUB 191.8
  • EUR 10674.78

Rossiya prezidenti Vladimir Putin mamlakat G‘arb tomonidan misli ko‘rilmagan sanksiyalar bosimiga dosh berganini aytdi. Uning ta’kidlashicha, rubl kursi fevral oyining birinchi yarmidagi darajasiga qaytdi. Bu haqda “Kommersant.ru” xabar berdi.

Foto: Time

Foto: Time
Chakana savdo tarmoqlaridagi tovar zaxiralari ham tiklanmoqda, talab esa normal holatga qaytdi. Biroq mamlakat kuchli inflyatsiyaga duch keldi. 8-aprelga kelib inflyatsiya 17,5 foizga yetdi. Oziq-ovqat narxi esa 9,4 foizga oshdi. Iqtisodiyot barqarorlashayotgan ayni vaqtda hukumat barcha ijtimoiy to‘lovlar, pensiyalar, budjet xodimlarining ish haqini oshirish bo‘yicha yangi parametrlarni ishlab chiqmoqda, – deydi prezident.
Putinning fikricha, Rossiyaning uzoq muddatli moliyaviy barqarorligi endilikda mamlakat rasmiylarining asosiy maqsadi bo‘lib qoladi.
Biz qo'shimcha yechimlar ishlab chiqishimiz va ularni iqtisodiyot eng zarur bo'lgan paytda amalga oshirishimiz kerak, — deb  qo‘shimcha qildi u. 
Vladimir Putin tashqi savdoda rubl va boshqa milliy valyutalarga o‘tishni tezlashtirish bo‘yicha ko‘rsatma berdi. Uning ta’kidlashicha, yangi sharoitda jarayon yuqori sur’atlar bilan oldinga siljishi kerak.

Davlat rahbari, shuningdek, Rossiya hukumati oziq-ovqat narxlarini tartibga solishdan voz kechib, to‘g‘ri ish qilganini va xususiy biznesga samarali yechimlarni topish uchun erkinlik berganini ta’kidladi.

24-fevraldan beri G‘arb davlatlari Ukrainadagi harbiy amaliyotga javoban Rossiyaga qarshi beshta sanksiyalar paketini joriy qildi. Sanksiyalar bank va harbiy sohalarga, xalqaro savdoga, shuningdek, Rossiya biznesi va hukumat vakillariga ta’sir ko‘rsatdi.

Avvalroq Rossiya iqtisodiyoti 2022-yilda 10 foizga qulashi haqida taxmin qilingan edi.

Izoh
Asosiy yangiliklar
Kino
Vaqtingizga achinmaysiz: So‘nggi o‘n yillikning eng yaxshi multfilmlari (video)
Dunyo
Putin va harbiylar o‘rtasidagi yopiq uchrashuvdan so‘ng, Rossiya davlat matbuotiga urushdagi muvaffaqiyatsizliklar haqida yozishga ruxsat berildi
Dunyo
“Tinchlik mukofotini bir mamlakatga hujum qilgan ikki davlat vakillari oldi” — Zelenskiy ofisi Nobel qo‘mitasini tanqid qildi