Мутахассисларнинг фикрича, Россияга санкциялар фонида иқтисодиётни 2021 йилдаги даражасига қайтариш учун ўн йил керак бўлади. Бу ҳақда S&P Global Market Intelligence прогнозига таяниб, «РБК» хабар берди.
2022 йилда Россия ялпи ички маҳсулоти 11,1 фоизга қисқарди.
2023 йилда Россия ялпи ички маҳсулотнинг пасайиш даражасини 1,9 фоизгача секинлаштириши мумкин. Ўсиш фақат 2024 йилда кутилмоқда — 1,6 фоиз.
Экспертлар фикрича, 2026 йилга бориб ялпи ички маҳсулот 1,9 фоизга ўсади.
2022 йилда Россияда инфляция 17,8 фоизгача кўтарилади. 2023 йилда у 10 фоизга, 2024 йилда 7,5 фоизга, 2026 йилга келиб 4,6 фоизгача пасаяди.
Таҳлилчилар 2022 йилда Украина ялпи ички маҳсулоти 45,7 фоизга пасайишини тахмин қилмоқда.
Шунингдек, Россия билан яқин иқтисодий алоқалари туфайли Беларусь, Қирғизистон ва Тожикистон иқтисодлари ҳам пасаяди.
АҚШ иқтисодий ўсиши 2022 йилда 3 фоизга, 2023 йилда эса 2,8 фоизга секинлашиши кутилмоқда.
2022 йилда глобал ялпи ички маҳсулот ўсиши 3,2 фоизгача секинлашади.
Россия иқтисодидаги пасайиш Россиянинг Украинада 24 февралда бошланган ҳарбий операцияси фонида кузатилди.
Халқаро валюта жамғармасининг (ХВЖ) прогнозига кўра, жорий йил натижаларига кўра, Россия ялпи ички маҳсулоти 8,5 фоизга, 2023 йилда 2,3 фоизга камаяди.
Аввалроқ Путин Россия иқтисодиёти барқарорлашганини маълум қилгани тўғрисида хабар берилган эди.
Изоҳ (0)