O‘zbekistonga doimiy ravishda yashash uchun yil boshidan beri 390 nafar odam ko‘chib kelgan. Bu haqda Davlat statistika qo‘mitasi matbuot xizmati xabar bermoqda.
Bulardan eng ko‘pi Qozog‘istondan — 148 kishi. Yil boshidan beri 86 nafar Rossiya fuqarosi O‘zbekistonga ko‘chib kelgan. Keyingi o‘rinda Tojikiston qayd etilgan — 49 kishi.
Doimiy ravishda yashash uchun Qirg‘izistondan 22 kishi kelgan bo‘lsa, Turkmaniston bilan bu ko‘rsatkich 9 nafarga teng. Shuningdek boshqa davlatlardan jami 76 nafar xorijlik O‘zbekistonga ko‘chib kelgan.
2022-yil birinchi choragida qayd etilgan bu ko‘rsatkich so‘nggi besh yildagi eng kami bo‘ldi. O‘zbekistonga yanvar—mart oylarida o‘tgan yilning shu davriga nisbatan 288 nafar kamroq odam ko‘chib kelgan.
Avvalroq chet elliklar oqimi tufayli Toshkentda uy ijara narxlari 15 foizga oshgani haqida xabar berilgan edi.
Izoh (0)