Farg‘ona–So‘x–Farg‘ona yo‘nalishida muntazam aviaqatnovlar 2022-yilning 7-mart sanasidan e’tiboran haftasiga 4 marotabadan amalga oshiriladi. Bu haqda Transport vazirligi “Daryo”ga ma’lum qildi.
Parvozlar haftaning dushanba, chorshanba, juma va yakshanba kunlariga rejalashtirilgan. Qatnovlar Humo air MChJning An-2 havo kemasida bajariladi.
Farg‘ona–So‘x yo‘nalishida parvoz mahalliy vaqt bilan soat 10:00 da va So‘x–Farg‘ona yo‘nalishida esa soat 12:00 da amalga oshiriladi.
Aviachipta narxi esa bir tomonga 150 000 so‘m etib belgilangan.
Ma’lumot uchun, 2021-yilning 12-dekabr kunidan boshlab Farg‘ona–So‘x–Farg‘ona yo‘nalishida haftasiga ikki marotaba yo‘lovchi tashuvlari uchun muntazam parvozlar yo‘lga qo‘yilgan edi.
Izoh (0)