“O‘zbekiston mustaqilligining 25 yilligi” loyihasida rekordli burg‘ilash

“O‘zbekiston mustaqilligining 25 yilligi” loyihasining 36-brigadasi sutkalik kovlab borishni bajarish bo‘yicha navbatdagi yangi salmoqli muvaffaqiyatlarga erishishdi. 616 metrlik marrani egallab, burg‘ilash qurilmasi xodimlari nafaqat loyiha, balki O‘zbekiston bo‘yicha rekord ko‘rsatkichlarga asos solganlar maqomiga erishishdi.

ERIELL Group tomonidan obyektlarda ilg‘or texnikalardan foydalanishga alohida e’tibor qaratilmoqda. Xususan, “O‘zbekiston mustaqilligining 25 yilligi” loyihasidagi quduqlar qurilishi DQ-500 yuqori kuchli uzatma bilan jihozlangan ZJ-70DBS burg‘ilash uskunasida amalga oshirilmoqda. U eng raqobatbardosh hisoblanadi, chunki burg‘ilash davomida mehnat xarajatlarini sezilarli darajada kamaytiruvchi yuqori unumdorlik, tejamlilik, yuqori avtomatlashish darajasiga ega. ERIELL Group loyiha boshqaruvi departamenti mutaxassislari, loyihaning muhandislik tarkibi va buyurtmachi Surhan Gas Chemical Operating Company mutaxassislari tomonidan amalga oshirilgan keng miqyosli muhandislik ishlari rekord o‘rnatilishiga sabab bo‘ldi.

Jinsni parchalovchi asbob sifatida nominal diametri 406,4 millimetr bo‘lgan beshta parrakli olmos doloto tanlanib, uning afzalliklaridan biri, yuqori darajadagi zarbabardoshlilik va abrazivga chidamlilik hisoblanadi.

Burg‘ilash brigadasi ishchilarining birgalikdagi sa’y-harakatlari, ko‘nikmalari va mehnatsevarligi “O‘zbekiston mustaqilligining 25 yilligi” loyihasi ishlab chiqarish xizmatlarining obyektga jalb qilingan har bir xodimining mas’uliyati, shuningdek, ERIELL Group tomonidan ilg‘or burg‘ilash texnologiyalar joriy etilgani rekordlarni yangilash va sutkalik kovlab borish bo‘yicha 616 metrlik ko‘rsatkich va burg‘ilash bo‘yicha o‘rtacha 41,06 m/s mexanik tezlikka erishishga xizmat qildi.

Ma’lumot uchun

“O‘zbekiston mustaqilligining 25 yilligi” loyihasining o‘ziga xos jihati shundaki, O‘zbekistonda, umuman olganda MDH bo‘yicha ham bunday konlar barmoq bilan sanarli. U boshqalaridan qatlam bosimi yuqoriligi (65 Mpa gacha), tarkibida serovodorod (H2S) 7,3 foiz, karbonat angidrid gazi (SO2) 12,7 foiz miqdorda ko‘pligi, shuningdek, murakkab geologik tuzilishi bilan farq qiladi. Qatlamlar 450 gradusgacha burchak ostida joylashgan, bitta kondagi qatlamlarda chuqurliklar joylashuvi turlicha (500 metrgacha) bo‘lishi mumkin.

ERIELL Group matbuot xizmati