«Ўзбекистон мустақиллигининг 25 йиллиги» лойиҳасининг 36-бригадаси суткалик ковлаб боришни бажариш бўйича навбатдаги янги салмоқли муваффақиятларга эришишди. 616 метрлик маррани эгаллаб, бурғилаш қурилмаси ходимлари нафақат лойиҳа, балки Ўзбекистон бўйича рекорд кўрсаткичларга асос солганлар мақомига эришишди.
ERIELL Group томонидан объектларда илғор техникалардан фойдаланишга алоҳида эътибор қаратилмоқда. Хусусан, «Ўзбекистон мустақиллигининг 25 йиллиги» лойиҳасидаги қудуқлар қурилиши ДҚ-500 юқори кучли узатма билан жиҳозланган ZJ-70DBS бурғилаш ускунасида амалга оширилмоқда. У энг рақобатбардош ҳисобланади, чунки бурғилаш давомида меҳнат харажатларини сезиларли даражада камайтирувчи юқори унумдорлик, тежамлилик, юқори автоматлашиш даражасига эга. ERIELL Group лойиҳа бошқаруви департаменти мутахассислари, лойиҳанинг муҳандислик таркиби ва буюртмачи Surhan Gas Chemical Operating Company мутахассислари томонидан амалга оширилган кенг миқёсли муҳандислик ишлари рекорд ўрнатилишига сабаб бўлди.
Жинсни парчаловчи асбоб сифатида номинал диаметри 406,4 миллиметр бўлган бешта парракли олмос долото танланиб, унинг афзалликларидан бири, юқори даражадаги зарбабардошлилик ва абразивга чидамлилик ҳисобланади.
Бурғилаш бригадаси ишчиларининг биргаликдаги саъй-ҳаракатлари, кўникмалари ва меҳнатсеварлиги «Ўзбекистон мустақиллигининг 25 йиллиги» лойиҳаси ишлаб чиқариш хизматларининг объектга жалб қилинган ҳар бир ходимининг масъулияти, шунингдек, ERIELL Group томонидан илғор бурғилаш технологиялар жорий этилгани рекордларни янгилаш ва суткалик ковлаб бориш бўйича 616 метрлик кўрсаткич ва бурғилаш бўйича ўртача 41,06 м/с механик тезликка эришишга хизмат қилди.
Маълумот учун
«Ўзбекистон мустақиллигининг 25 йиллиги» лойиҳасининг ўзига хос жиҳати шундаки, Ўзбекистонда, умуман олганда МДҲ бўйича ҳам бундай конлар бармоқ билан санарли. У бошқаларидан қатлам босими юқорилиги (65 Мпа гача), таркибида сероводород (H2S) 7,3 фоиз, карбонат ангидрид гази (SO2) 12,7 фоиз миқдорда кўплиги, шунингдек, мураккаб геологик тузилиши билан фарқ қилади. Қатламлар 450 градусгача бурчак остида жойлашган, битта кондаги қатламларда чуқурликлар жойлашуви турлича (500 метргача) бўлиши мумкин.
ERIELL Group матбуот хизмати
Изоҳ (0)