Adliya vazirligi “Aliment qarzlarini undirish tartibi takomillashtirilishi munosabati bilan ayrim qonun hujjatlariga o‘zgartish va qo‘shimchalar kiritish to‘g‘risida”gi qonun loyihasini muhokamaga qo‘ydi, deb xabar beradi Norma.
Mazkur qonun bilan “Sud hujjatlari va boshqa organlar hujjatlarini ijro etish to‘g‘risida”gi qonunga o‘zgartish va qo‘shimchalar kiritish ko‘zda tutilgan. Sud hujjatlari va boshqa organlar hujjatlarining majburiy ijro etilishini ta’minlash maqsadida ichki ishlar organlari:
- Aliment undirish bo‘yicha davlat ijrochisining iltimosiga binoan qarzdorning transport vositasini boshqarish huquqi to‘g‘risidagi ma’lumotlarni taqdim etishi;
- Davlat ijrochisining qarzdorning transport vositasini boshqarish huquqini vaqtincha cheklash to‘g‘risidagi qarori ijrosini ta’minlash;
- Aliment to‘lamaganligi sababli transport vositasini boshqarish huquqi cheklangan fuqarolarning reyestrini shakllantirish.
- sud qarorini ijro etish uchun yetarli mol-mulk olib qo‘yilgan taqdirda;
- agar shunday cheklash belgilanishi qarzdor tirikchiligining asosiy va qonuniy manbaidan mahrum qilsa;
- agar qarzdor birinchi va ikkinchi guruh nogironi bo‘lsa yoki qarzdor qaramog‘ida O‘zbekistonning qonunlarida belgilangan tartibda birinchi yoki ikkinchi guruh nogironi yoki nogiron bola deb tan olingan shaxsga bog‘liq bo‘lsa;
- agar qarzdorga ijro hujjati talablarini bajarish uchun kechiktirish yoki bo‘lib-bo‘lib to‘lash imkoniyati berilgan bo‘lsa;
- agar voyaga yetmagan bolalar ta’minoti uchun alimentlar oldindan to‘langan yoki aliment to‘lash majburiyatini ta’minlash uchun garov shartnomasi tuzilgan bo‘lsa.
Aliment to‘lash bo‘yicha qarzdor ijro hujjatida nazarda tutilgan talablarni uzrsiz sabablarga ko‘ra, belgilangan muddatda bajarmagan taqdirda, ular litsenziyalarning, ruxsatnomalarning va maxsus huquqlarning amal qilishini to‘xtatib turishi, shuningdek, unga litsenziya berishni vaqtincha taqiqlashi mumkin.
Qonun loyihasi muhokamasi 10-noyabrgacha davom etadi.
Avvalroq namanganlik ota aliment to‘lovlari evaziga uch nafar farzandi uchun 500 mln so‘mlik hovli-joyni xatlab bergani, Toshkent viloyatida alimentdan qariyb 12 mln so‘m qarzdorligi bor erkak sobiq turmush o‘rtog‘ini MIB bo‘limida pichoqlagani, Qashqadaryoda aliment qarzdorligini undirishga kelgan MIB xodimini temir bo‘lagi bilan urgan shaxsga jinoyat ishi qo‘zg‘atilgani to‘g‘risida xabar berilgandi.
Izoh (0)