IIV YHXBB ijtimoiy tarmoqda tarqalgan Toshkentda Matiz haydovchisi piyodalarni urib yuborgani tasvirlangan video bo‘yicha ma’lumot berdi.
Ma’lum qilinishicha, 15-oktabr kuni soat 21:23 larda Mirobod tumani Yangi Qo‘yliq ko‘chasi “Afsona” binosi qarshisida J.M. ismli 38 yoshli haydovchi Matiz rusumli avtomobilini boshqarayotib, rul boshqaruvini yo‘qotishi natijasida yo‘l chetida turgan piyodalarni urib yuborgan va ag‘darilib ketgan.
Hodisa oqibatida uch nafar piyoda tan jarohatlari bilan shifoxonaga yotqizilgan. Yo‘l chetida turgan avtomobillarga ham zarar yetgan.
Ta’kidlanishicha, mazkur YTH yuzasidan Toshkent shahar IIBB YHXB tomonidan surishtiruv harakatlari olib borilmoqda.
Avvalroq Jizzaxda “Jiguli” urib ketishi oqibatida 3 yoshli qiz halok bo‘lgani, Namanganda Nexia yo‘l chetida turgan piyodani urib ketishi oqibatida jabrlanuvchi shifoxonada vafot etgani, Qashqadaryoda piyoda o‘limiga sababchi bo‘lgan Nexia haydovchisi voqea joyidan yashiringani to‘g‘risida xabar berilgandi.
Izoh (0)