Xabar qilinganidek, 11-iyun kuni erta tongda O‘zbekiston Prezidenti Shavkat Mirziyoyev Tojikistonga rasmiy tashrifi doirasida Dushanbedan Xo‘jandga keldi. Tashrif avvalida “Arbob” madaniyat saroyida So‘g‘d viloyati jamoatchiligi vakillari, ziyolilar, nuroniylar bilan uchrashuv bo‘lib o‘tdi.
Tadbirdan so‘ng ikki davlat rahbari 1957-yilda ishga tushirilgan, 2019-yilda modernizatsiya qilinib, Germaniya, Italiya, Yaponiya, Xitoy va boshqa davlatlardan olib kelingan uskunalar o‘rnatilgan, bir yilda 3 million kvadrat metr mahsulot ishlab chiqarayotgan “Qayroqqum gilamlari” korxonasini borib ko‘rdi. Tashrif davomida, shuningdek, So‘g‘d viloyati G‘afurov tumanidagi 2008-yilda tashkil etilgan, maydoni 700 gektar bo‘lib, shundan 500 gektarida mevali daraxtlar o‘tqazilgan “Vaxdati millat” bog‘iga ham borildi.
“Daryo” fotomuxbiri tashrifning ikkinchi kunida o‘tkazilgan tadbirlarning e’tiborga molik lahzalarini kadrlarga muhrladi.
“Arbob” madaniyat saroyi
“Vaxdati millat” bog‘i
Tojikistonning So‘g‘d viloyatining samolyotdan qaragandagi manzaralari
Eslatib o‘tamiz, Shavkat Mirziyoyev Tojikistonda 2 kunlik rasmiy tashrif bilan bo‘ldi. Tashrif davomida Shavkat Mirziyoyev va Emomali Rahmon avval tor, so‘ngra kengaytirilgan tartibda yig‘ilish o‘tkazdi.
Muzokaralar davomida ikki mamlakat o‘rtasida jami 35 ta hujjat imzolandi.
Dushanbeda O‘zbekiston va Tojikiston san’at ustalari ishtirokida konsert bo‘lib o‘tgan konsert oldidan Emomali Rahmon Shavkat Mirziyoyevni birinchi darajali “Zarrintoj” ordeni bilan mukofotladi.
Izoh (0)