Prezident Shavkat Mirziyoyev Tojikistonning davlat mukofoti – birinchi darajali “Zarrintoj” ordeni bilan mukofotlandi. Bu haqda Prezident matbuot xizmati xabar qildi.

Ordenni O‘zbekiston Prezidentiga Emomali Rahmon tantanali ravishda topshirdi.

Eslatib o‘tamiz, 10-iyun kuni Tojikistonga tashrif buyurgan Shavkat Mirziyoyev Dushanbeda tantanali kutib olindi. Ikki davlat rahbarlari avval tor, so‘ngra kengaytirilgan tartibda yig‘ilish o‘tkazdi.

Ikki mamlakat o‘rtasida jami 35 ta hujjat imzolandi.