Хабар қилинганидек, 11 июнь куни эрта тонгда Ўзбекистон Президенти Шавкат Мирзиёев Тожикистонга расмий ташрифи доирасида Душанбедан Хўжандга келди. Ташриф аввалида «Арбоб» маданият саройида Сўғд вилояти жамоатчилиги вакиллари, зиёлилар, нуронийлар билан учрашув бўлиб ўтди.
Тадбирдан сўнг икки давлат раҳбари 1957 йилда ишга туширилган, 2019 йилда модернизация қилиниб, Германия, Италия, Япония, Хитой ва бошқа давлатлардан олиб келинган ускуналар ўрнатилган, бир йилда 3 миллион квадрат метр маҳсулот ишлаб чиқараётган «Қайроққум гиламлари» корхонасини бориб кўрди. Ташриф давомида, шунингдек, Сўғд вилояти Ғафуров туманидаги 2008 йилда ташкил этилган, майдони 700 гектар бўлиб, шундан 500 гектарида мевали дарахтлар ўтқазилган «Вахдати миллат» боғига ҳам борилди.
«Дарё» фотомухбири ташрифнинг иккинчи кунида ўтказилган тадбирларнинг эътиборга молик лаҳзаларини кадрларга муҳрлади.
«Арбоб» маданият саройи
«Вахдати миллат» боғи
Тожикистоннинг Сўғд вилоятининг самолётдан қарагандаги манзаралари
Эслатиб ўтамиз, Шавкат Мирзиёев Тожикистонда 2 кунлик расмий ташриф билан бўлди. Ташриф давомида Шавкат Мирзиёев ва Эмомали Раҳмон аввал тор, сўнгра кенгайтирилган тартибда йиғилиш ўтказди.
Музокаралар давомида икки мамлакат ўртасида жами 35 та ҳужжат имзоланди.
Душанбеда Ўзбекистон ва Тожикистон санъат усталари иштирокида концерт бўлиб ўтган концерт олдидан Эмомали Раҳмон Шавкат Мирзиёевни биринчи даражали «Зарринтож» ордени билан мукофотлади.
Изоҳ (0)