Ijtimoiy tarmoqlarda Urgut dehqon bozorida yong‘in sodir bo‘lgani aks etgan videolar tarqaldi.
Samarqand viloyati IIB axborot xizmatining ma’lum qilishicha, yong‘in 23-may kuni soat 23:05 larda bozorga yaqin hududdagi savdo do‘konlarida yong‘in yuzaga kelgan.
Hodisa joyiga zudlik bilan tuman favqulodda vaziyatlar va ichki ishlar bo‘limlari xodimlari yetib kelgan, yong‘in soat 00:30 larda to‘liq bartaraf etilgan.
“Hodisa sabablari yuzasidan qo‘shimcha ma’lumot beriladi”, — deyiladi xabarda.
Avvalroq Termiz shahridagi maktablarning birida yong‘in chiqqani, Xorazmdagi dehqon bozorida yong‘in sodir bo‘lgani, Toshkentdagi sobiq “TAPOiCh” hududida yong‘in yuz bergani, Yakkasaroy tumanidagi sintepon ishlab chiqarish sexida yong‘in sodir bo‘lgani, Sergelidagi polietilen mahsulotlarini ishlab chiqaruvchi korxonada yirik yong‘in yuz bergani haqida xabar berilgan edi.
Izoh (0)