Toshkent mexanika zavodi (sobiq “TAPOiCh”) hududida 26-aprel kuni chiqindilar yonib ketdi. Bu haqda FVV matbuot xizmati xabar berdi.
Zavod hududida sanoat chiqindilari yonayotgani to‘g‘risidagi xabar Favqulodda vaziyatlar vazirligining navbatchilik qismiga soat 16:32 da kelib tushgan.
Hodisa joyiga zudlik bilan Toshkent shahar Favqulodda vaziyatlar boshqarmasining 2 ta yong‘in-qutqaruv guruhi yetib kelgan. Yong‘in oqibatida 60 kvadrat metrga zarar yetgan.
Qutqaruvchilarning tezkor harakatlari tufayli yong‘in bir necha daqiqalarda bartaraf etilgan. Hodisada jabrlangan va qurbonlar yo‘q.
Avvalroq Toshkentning Yakkasaroy tumanidagi sintepon ishlab chiqarish sexida yong‘in sodir bo‘lgani, Sergelidagi polietilen mahsulotlarini ishlab chiqaruvchi korxonada yirik yong‘in yuz bergani haqida xabar berilgan edi.
