Qozog‘iston prezidenti Qosim-Jo‘mart To‘qayev O‘zbekiston bosh vaziri Abdulla Aripovni II darajali “Do‘stlik” ordeni bilan mukofotlash to‘g‘risidagi farmonni imzoladi. Bu haqda Qozog‘iston elchixonasiga tayanib, “Xabar.uz” xabar berdi.
“Do‘stlik” ordeni Qozog‘istonning eng yuqori davlat mukofoti bo‘lib, chet el davlatlari fuqarolariga ikki tomonlama munosabatlarni rivojlantirish, xalqlar o‘rtasida tinchlik, do‘stlik va hamkorlikni mustahkamlashga qo‘shgan hissasi uchun beriladi.
“Ayni paytda Qozog‘iston va O‘zbekiston o‘rtasidagi ikki tomonlama aloqalar jadal rivojlanib bormoqda, ularning asosiy platformasi savdo-iqtisodiy va sarmoyaviy hamkorlik, shuningdek, sanoat kooperatsiyasi va transport sohasidagi o‘zaro hamkorlikdir. Ikki tomonlama munosabatlarning hozirgi dinamikasi ikki qardosh xalqlar o‘rtasida rivojlangan munosabatlarning yuqori darajasiga to‘g‘ri keladi.
Ikki mamlakat o‘rtasidagi aloqalarni har tomonlama mustahkamlash va o‘zaro aloqalarni rivojlantirishdagi xizmatlari uchun O‘zbekiston bosh vaziri Abdulla Aripovni yuqori mukofot bilan taqdirlangani qo‘shni qardosh xalqning O‘zbekistonga bo‘lgan hurmat belgisidir”, — deyiladi xabarda.
Avvalroq Prezident Shavkat Mirziyoyev farmoni bilan 24-may kuni 60 yoshni qarshilagan O‘zbekiston bosh vaziri Abdulla Oripov “Fidokorona xizmatlari uchun” ordeni bilan mukofotlangani to‘g‘risida xabar berilgandi.
Mavzuga doir:
- Shavkat Mirziyoyev Moskva davlat xalqaro munosabatlar instituti rektorini “Do‘stlik” ordeni bilan mukofotladi
- Shavkat Mirziyoyev Yevropa tiklanish va taraqqiyot bankining sobiq prezidentini “Do‘stlik” ordeni bilan mukofotladi
- Shavkat Mirziyoyev Rossiya tashqi ishlar vaziri Sergey Lavrovni “Do‘stlik” ordeni bilan mukofotladi
Izoh (0)