Toshkent viloyatidagi Keles ko‘prigi “ta’mirlash ishlari yakunlanguniga qadar” yopildi. Ta’mir qachongacha davom etishi noma’lum

Toshkent viloyatidagi Keles ko‘prigi orqali avtotransport vositalarining harakatlanishi vaqtincha to‘xtatildi, deb xabar beradi “Xalq so‘zi Online”.

4R-4 Toshkent shahri—Keles shahri–Qozoqkentsoy qishlog‘i–M39 avtomobil yo‘li (820 kilometr) Sariyog‘och qishlog‘i shoxobcha avtomobil yo‘lida olib borilayotgan rekonstruksiya ishlari munosabati bilan Keles yo‘li ko‘chasi hamda Yuqori Ko‘kterak ko‘chalarini bog‘lovchi yo‘l o‘tkazgichda 23-may kuni soat 11:00 dan ta’mirlash ishlari yakunlanguniga qadar transport vositalari harakati vaqtinchalik to‘liq to‘xtatildi.

Ushbu yo‘nalishdan foydalanadigan avtomototransport vositalarining harakati vaqtinchalik tumanning Hasanboy qishlog‘i hududidan o‘tgan 4N-699 va 4K-702 avtomobil yo‘li orqali tashkil etildi.

Avvalroq Toshkentdagi Ahmad Donish ko‘chasining bir qismi 18-maydan bir yarim oyga yopilishi to‘g‘risida xabar berilgandi.