Buxoro viloyatida fuqaroni Koreya davlatiga yuborishni va’da qilib, undan 5000 dollar olmoqchi bo‘lgan shaxs qo‘lga olindi. Holat huquq-tartibot idorasi xodimlari hamkorligida o‘tkazilgan tezkor tadbirda aniqlandi, deya xabar berdi “Daryo” muxbiri.
Ta’kidlanishicha, Buxoro shahrida yashovchi fuqaro I.O. 32 yoshli H.J.ning ishonchiga kirib, uni vakolatli tanishlari orqali davlat tomonidan ajratilgan kvotalar asosida Koreya davlatiga ishlashga yuborishni va’da qilgan. Evaziga esa undan 5000 dollar talab qilgan. Fuqaro H.J. esa iqtisodiy sharoitidan kelib chiqib, bu haqda huquq-tartibot idoralariga murojaat qilishga majbur bo‘lgan.
Bosh prokuratura huzuridagi Departamentning Buxoro shahar bo‘limi hamda DXX xodimlari tomonidan tezkor tadbir o‘tkazilgan. Tezkor tadbir davomida I.O. fuqaro H.J.dan 5000 dollar pora olayotgan vaqtida ushlangan.
Mazkur holat yuzasidan fuqaro I.O.ga nisbatan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Angrenda 3,5 ming dollar evaziga Jismoniy tarbiya universitetiga kiritib qo‘ymoqchi bo‘lgan shaxs ushlandi
- Namanganda tuman hokimi o‘rinbosari 10 ming dollar pora olayotganida ushlandi
- Samarqandda yonidan giyohvand moddasi chiqqan shaxs bu ishni bosdi-bosdi qilish uchun IIB xodimiga 2 ming dollar pora berayotganda ushlandi
Izoh (0)