Ижтимоий тармоқларда Ургут деҳқон бозорида ёнғин содир бўлгани акс этган видеолар тарқалди.
Самарқанд вилояти ИИБ ахборот хизматининг маълум қилишича, ёнғин 23 май куни соат 23:05 ларда бозорга яқин ҳудуддаги савдо дўконларида ёнғин юзага келган.
Ҳодиса жойига зудлик билан туман фавқулодда вазиятлар ва ички ишлар бўлимлари ходимлари етиб келган, ёнғин соат 00:30 ларда тўлиқ бартараф этилган.
«Ҳодиса сабаблари юзасидан қўшимча маълумот берилади», — дейилади хабарда.
Аввалроқ Термиз шаҳридаги мактабларнинг бирида ёнғин чиққани, Хоразмдаги деҳқон бозорида ёнғин содир бўлгани, Тошкентдаги собиқ «ТАПОиЧ» ҳудудида ёнғин юз бергани, Яккасарой туманидаги синтепон ишлаб чиқариш цехида ёнғин содир бўлгани, Сергелидаги полиэтилен маҳсулотларини ишлаб чиқарувчи корхонада йирик ёнғин юз бергани ҳақида хабар берилган эди.
Изоҳ (0)