Oliy va o‘rta maxsus ta’lim vazirligi, Bandlik va mehnat munosabatlari vazirligi hamda Moliya vazirligining “Oliy ta’lim muassasalari boshqaruv, texnik, xizmat ko‘rsatuvchi va o‘quv-yordamchi xodimlarining namunaviy shtatlariga o‘zgartirish va qo‘shimchalar kiritish haqida”gi qarori qabul qilindi. Bu haqda Norma xabar bermoqda.
Mazkur qaror bilan, respublika OTMlarida Korrupsiyaga qarshi kurashish “komplayens-nazorat” tizimini boshqarish bo‘limi kiritiladi. Mazkur bo‘lim uning boshlig‘i va bosh mutaxassis bilan taqdim etilgan. Bo‘lim boshlig‘i lavozimi talabalar soni 1500 kishigacha bo‘lgan OTMda nazarda tutilmagan.
Namunaviy shtatlar oliy ta’lim muassasalarining budjetdan tashqari mablag‘lari va to‘lov-kontrakt asosida o‘qitishdan tushgan mablag‘lar hisobidan joriy etiladi.
Bundan avval O‘zbekistonda C1 darajadagi xorijiy til bilish sertifikati bor o‘qituvchiga 50 foiz ustama haqi to‘lanishi, Samarqand davlat universitetining Kattaqo‘rg‘on filiali tashkil etilishi hamda O‘zbekistonda oliygohlarga kirish uchun topshiriladigan test sinovi fanlar majmuasi tasdiqlangani haqida xabar berilgandi.
Izoh (0)