O‘zbekistonda uy-joy va tijorat binolarini ro‘yxatdan o‘tkazish qiymati o‘zgardi

O‘zbekistonda uy-joy va tijorat binolarini ro‘yxatdan o‘tkazish qiymati o‘zgartirilmoqda, deb xabar beradi Norma. Bu Vazirlar Mahkamasining 18-maydagi “Davlat kadastri sohasida davlat xizmatlari narxlarini belgilashda tabaqalashtirilgan yondashuv tartibini takomillashtirish to‘g‘risida 2014-yil 10-iyuldagi 186-son qaroriga o‘zgartirish kiritish haqida”gi qarorida ko‘zda tutilgan.

Endilikda ko‘chmas mulk obyektlarining noturar bino va inshootlarga oid qismiga kadastr pasportini tayyorlash va kadastr hujjatlarini rasmiylashtirish quyidagicha bo‘ladi:

• Umumiy maydoni 100 kvadrat metrgacha bo‘lgan ko‘chmas mulk — BHMning 1 baravari (245 ming so‘m);
• Umumiy maydoni 100 kvadrat metrdan 1000 kvadrat metrgacha bo‘lgan ko‘chmas mulk — obyektning 1 kvadrat metr maydoni uchun BHMning 1,15 foizi;
• Umumiy maydoni 1000 kvadrat metrdan 5000 kvadrat metrgacha bo‘lgan ko‘chmas mulk — BHMning 34,5 baravari (4 226 250 so‘m);
• Umumiy maydoni 5000 kvadrat metrdan 15000 kvadrat metrgacha bo‘lgan ko‘chmas mulk — BHMning 34,5 baravari (8 452 500 so‘m);
• Umumiy maydoni 15000 kvadrat metrdan 50000 kvadrat metrgacha bo‘lgan ko‘chmas mulk — BHMning 34,5 baravari (14 087 500 so‘m);
• Umumiy maydoni 50000 kvadrat metrdan ortiq bo‘lgan ko‘chmas mulk — BHMning 34,5 baravari (19 722 500 so‘m).

Ko‘chmas mulk obyektlarining turar joy fondiga oid qismiga kadastr pasportini tayyorlash va kadastr hujjatlarini rasmiylashtirish:

• Ko‘p kvartirali uydagi kvartira — obyektning 1 kvadrat metr maydoni uchun BHMning 1,15 foizi;
• Yakka tartibdagi turar joy — obyektning 1 kvadrat metr maydoni uchun BHMning 1,15 foizi.

Avvalroq kadastr sohasida qaysi omillar tufayli korrupsion holatlar avj olayotgani, O‘zbekistonda o‘zboshimcha va noqonuniy qurilgan binolar egasi endilikda javobgarlikka tortilishi mumkinligi to‘g‘risida xabar berilgandi.