Qiyma va guruchdan noodatiy zapekanka tayyorlaymiz

Oddiygina, ammo juda mazali bo‘lgan guruch, qiyma va qo‘ziqorinli zapekanka oilaviy kechki ovqat uchun ayni muddao.

Kerakli mahsulotlar:

• guruch – 250 gramm;
• o‘simlik yog‘i – 2 osh qoshiq;
• piyoz – 2 dona;
• sabzi – 1 dona;
• qo‘ziqorin – 350 gramm;
• qiyma – 500 gramm;
• qattiq pishloq – 200 gramm;
• tuxum – 2 dona;
• qaymoq – 250 ml;
• tuz va ziravorlar.

1. guruch qaynatib olinadi;
2. pech 200 darajada qizdirilib, zapekanka qolipiga yog‘ suriladi;
3. piyoz, sabzi va qo‘ziqorin kichkina to‘rtburchak shaklda to‘g‘raladi;
4. piyoz tovada 2-3 daqiqa davomida qovuriladi;
5. ustidan sabzi va qo‘ziqorin ham solinadi;
6. so‘ngra qiyma solinib, tuz va ziravorlar sepiladi va 7-8 daqiqa davomida qovuriladi;
7. pishloq qirg‘ichdan o‘tkazilib, tuxum va qaymoq bilan aralashtiriladi;
8. qolipga avval guruch, ustidan qiymali aralashma solinadi;
9. keyin tuxumli aralashma quyilib, 30 daqiqa davomida pechda pishirib olinadi.