Mazali va to‘yimli qiymali pirog retsepti

Pirogning yumshoq xamirini tayyorlash uchun atigi 5 daqiqa vaqt ketadi va xamir ichidagi nachinka esa mazali va to‘yimliligi bilan taomnomangizdan joy olishga arziydi. Ushbu qiymali pirog oddiy retseptlarni yaxshi ko‘radiganlar uchun ayni muddao.

Kerakli mahsulotlar:

Nachinka uchun:

• piyoz — 1-2 ta;
• o‘simlik yog‘i — 2-3 osh qoshiq;
• qiyma — 350-400 g;
• kartoshka — 2-3 ta;
• tuz;
• murch.

• tuxum — 2 ta;
• kefir — 500 ml;
• un — 350 g;
• tuz — 0,5 choy qoshiq;
• razrixlitel — 1,5 choy qoshiq.

1. to‘g‘ralgan piyozni 4-5 daqiqa qovurib oling. Piyozga qiymani solib, yana 7-8 daqiqa qovuring. Tuz, murch solib aralshtiring;
2. kartoshkani katta tishli qirg‘ichdan chiqarib, suvidan siqib oling va qovurilgan qiymaga qo‘shing;
3. tuxumga kefir va tuz qo‘shib, yaxshilab aralashtiring. Keyin esa elangan un va razrixlitel solib, xamir qoring;
4. yog‘langan gaz patnisiga xamirning yarmini yoying, ikkinchisini ustiga yopish uchun olib qo‘ying;
5. xamirga tayyor nachinkani bir tekisda soling va ikkinchi xamir bilan ustini yoping;
6. qiymali pirogni 180 darajali issiqlikda 40-45 daqiqa davomida pishirib oling.