Qo‘y go‘shti va karamdan mazasi og‘izda qoladigan taom tayyorlaymiz

Norvegiya oshxonasida mazkur milliy taomni tayyorlashda ortiqcha mahsulotdan foydalanilmaydi.

Kerakli mahsulotlar:

• suyakli qo‘y go‘shti − 1 kg;
• karam − 1 kg;
• un − 1 osh qoshiq;
• suv;
• tuz va ziravorlar.

1. Go‘sht va karam katta-katta to‘g‘raladi. Go‘shtga un sepiladi.
2. Katta idishga go‘sht terib chiqiladi hamda tuz va ziravorlar sepiladi.
3. Ustidan karam teriladi. Mahsulotlar shu tarzda ustma-ust joylashtiriladi. Oxirida karam bilan yakunlanadi.
4. Idishga 1-2 piyola suv quyib,  qaynaguncha qopqog‘i yopiladi.
5. So‘ngra olov pasaytirilib, go‘shtlar suyagidan ajralguncha taxminan ikki soat davomida qaynatiladi.
6. Ko‘katlar bilan bezatilib, dasturxonga tortiladi.