Қийма ва гуручдан ноодатий запеканка тайёрлаймиз

Оддийгина, аммо жуда мазали бўлган гуруч, қийма ва қўзиқоринли запеканка оилавий кечки овқат учун айни муддао.

Керакли маҳсулотлар:

• гуруч – 250 грамм;
• ўсимлик ёғи – 2 ош қошиқ;
• пиёз – 2 дона;
• сабзи – 1 дона;
• қўзиқорин – 350 грамм;
• қийма – 500 грамм;
• қаттиқ пишлоқ – 200 грамм;
• тухум – 2 дона;
• қаймоқ – 250 мл;
• туз ва зираворлар.

1. гуруч қайнатиб олинади;
2. печ 200 даражада қиздирилиб, запеканка қолипига ёғ сурилади;
3. пиёз, сабзи ва қўзиқорин кичкина тўртбурчак шаклда тўғралади;
4. пиёз товада 2-3 дақиқа давомида қовурилади;
5. устидан сабзи ва қўзиқорин ҳам солинади;
6. сўнгра қийма солиниб, туз ва зираворлар сепилади ва 7-8 дақиқа давомида қовурилади;
7. пишлоқ қирғичдан ўтказилиб, тухум ва қаймоқ билан аралаштирилади;
8. қолипга аввал гуруч, устидан қиймали аралашма солинади;
9. кейин тухумли аралашма қуйилиб, 30 дақиқа давомида печда пишириб олинади.