Gonduras Respublikasi Rossiyaning koronavirusga qarshi “Sputnik V” vaksinasini ma’qulladi. Bu haqda Rossiya To‘g‘ridan to‘g‘ri investitsiyalar fondiga (RFPI) tayanib “RBK” xabar berdi.
“Ro‘yxatdan o‘tkazish tezlashtirilgan muolaja doirasida amalga oshirildi”, — deyiladi xabarda.
Gonduras “Sputnik V” vaksinasini ro‘yxatdan o‘tkazgan 36-mamlakat bo‘ldi.
Bu vaksinani birinchi bo‘lib Belarus davlati ro‘yxatdan o‘tkazgan. Undan oldin esa vaksinaning klinik sinovlarida qatnashgan.
Keyinroq Argentina, Boliviya, Serbiya, Jazoir, Falastin, Venesuela, Paragvay, Turkmaniston, Vengriya, BAA, Eron, Gvineya Respublikasi, Tunis, Armaniston, Meksika, Nikaragua, Serbiya Respublikasi (Bosniya va Gersogovinya), Livan, Myanma, Pokiston, Mo‘g‘uliston, Bahrayn, Chernogoriya, Sent-Vinsent va Grenadina, Qozog‘izston, Gabon, San-Marino, Suriya, Qirg‘iziston, Gayana va Misr davlatlarida “Sputnik V” vaksinasi ro‘yxatdan o‘tkazildi.
Avvalroq O‘zbekistonda ham “Sputnik V” vaksinasini qo‘llashga ruxsat berilgani haqida xabar berilgan edi. O‘zbekistonda koronavirusga qarshi emlash mart oyining birinchi yarmida boshlanishi ma’lum qilingan.
Izoh (0)