Klassik taom: kartoshkali pirojki retsepti

Ishtahaochar va to‘yimli pirojkilar oila a’zolaringizning sevimli taomiga aylanishi shubhasiz!

Xamiriga:

• xamirturush — 7 gr;
• o‘simlik yog‘i — 50 ml;
• un — 480 gr;
• suv — 300 ml;
• shakar — 1 osh qoshiq;
• tuz — 1 choy qoshiq.

• kartoshka — 500 gr;
• piyoz — 2 dona;
• o‘simlik yog‘i — 1-2 osh qoshiq;
• tuz;
• murch.

1. Kattaroq idishdagi iliq suvga xamirturush, shakar va 2-3 qoshiq un solib aralashtiring. Ustini sochiq bilan yopib, iliq joyda 10-15 daqiqaga qoldiring.
2. Birozdan so‘ng xuddi shu idishga o‘simlik yog‘i, elangan un va tuz soling. Yengil harakatlar bilan yumshoq xamir qoring va iliq joyda 1 soatga o‘rab qo‘ying.
3. Kartoshkani tozalab, tuzli suvda 20-25 daqiqa davomida pishiring. Suvini to‘kib, pyure  tayyorlab oling.
4. Piyozni mayda to‘g‘rab, tovada qizartiring, unga kartoshka, tuz, murch qo‘shib, yaxshilab aralashtiring.
5.  Xamirni 16-18 bo‘lakka bo‘lib, zuvalachalar yasang va  5-7 daqiqaga tindiring.
6. Har bir zuvalachani yupqa qilib yoying. Xamir o‘rtasiga nachinka solib, chetlarini yopishtirib chiqing.
7. Qizigan yog‘da pirojkilarning ikki tomonini qizartirib, pishirib oling.
8. Ortiqcha yog‘larni shimib olishi uchun ularni salfetka ustiga qo‘ying.