Nonushtaga kartoshka va tuxumdan noodatiy taom tayyorlab ko‘ring. Mazkur taom mazali, to‘yimli bo‘lishi bilan birga juda hamyonbop!
Kerakli mahsulotlar:
- Tuxum — 4 ta;
- Kartoshka (pechda pishirilgan) — 4 ta;
- Brinza —100 gr;
- Petrushka;
- Ziravorlar;
- Tuz.
Avval pechda pishirilgan kartoshkalar ichi o‘yilib, “qayiqcha”lar tayyorlab olinadi.
2. Keyin esa brinza mayda bo‘laklarga bo‘linib, to‘g‘ralgan petrushka bilan quyuq massa hosil bo‘lguncha yaxshilab aralashtiriladi.
3. Tuz, qalampir va sarimsoqli ziravorlar har bir qayiqcha ichiga sepilib, brinzali massa solinadi. Shundan so‘ng massa ustiga bittadan tuxum chaqiladi.
4. Kartoshkalar pech patnisiga terilib, 180 darajada pishiriladi.
5. Kartoshkadan qolgan pyure dumaloqlanib, hosil bo‘lgan sharchalar qizigan yog‘da qizartirib olinadi.
Taomni dasturxonga tortishdan avval ko‘katlar bilan bezating. Mazali va to‘yimli yegulik tayyor.
Yoqimli ishtaha!
Izoh (0)