Ushbu yegulik koreys milliy taomi hisoblansa-da, o‘zbek oshxonasidan ham joy olgan. Pazanda bekajonlar esa retseptdan foydalangan holda pigodini juda mazali qilib tayyorlashi shubhasiz.
Kerakli mahsulotlar:
- Kefir − 250 ml;
- Xamirturush − 10 gramm;
- Shakar − 1 choy qoshiq;
- Qiyma go‘shti − 200 gramm;
- Karam − 300 gramm;
- Piyoz − 1 dona;
- Un − 300 gramm;
- Tuz.
- Kefir biroz ilitiladi, tuz, shakar, xamirturush va un qo‘shib yumshoq xamir qoriladi. Iliq joyga qo‘yiladi.
- Mayda to‘g‘ralgan piyoz va qiyma qovurib olinadi. Karam ham to‘g‘ralib, qiyma bilan birgalikda qovuriladi va tuz, ziravorlar sepiladi.
- Qo‘llar yog‘lanib, xamir kichik bo‘laklarga ajratiladi. Qo‘l bilan yoyilib, o‘rtasiga qiymali nachinka solinadi. Xamir ikki tomondan pigodi shakliga keltiriladi.
- Pishiriladigan idishlar yog‘lanadi. Pigodilar bug‘da pishiriladi, shuning uchun mantiqasqon yoki ikki qavatli qozonga bir-biriga yopishmaydigan holatda joylashtirib chiqiladi.
- 35-40 daqiqa davomida pishiriladi. Yegulikni salat va souslar bilan iste’mol qilish mumkin.
Izoh (0)