Классик таом: картошкали пирожки рецепти

Иштаҳаочар ва тўйимли пирожкилар оила аъзоларингизнинг севимли таомига айланиши шубҳасиз!

Хамирига:

• хамиртуруш — 7 гр;
• ўсимлик ёғи — 50 мл;
• ун — 480 гр;
• сув — 300 мл;
• шакар — 1 ош қошиқ;
• туз — 1 чой қошиқ.

• картошка — 500 гр;
• пиёз — 2 дона;
• ўсимлик ёғи — 1-2 ош қошиқ;
• туз;
• мурч.

1. Каттароқ идишдаги илиқ сувга хамиртуруш, шакар ва 2-3 қошиқ ун солиб аралаштиринг. Устини сочиқ билан ёпиб, илиқ жойда 10-15 дақиқага қолдиринг.
2. Бироздан сўнг худди шу идишга ўсимлик ёғи, эланган ун ва туз солинг. Енгил ҳаракатлар билан юмшоқ хамир қоринг ва илиқ жойда 1 соатга ўраб қўйинг.
3. Картошкани тозалаб, тузли сувда 20-25 дақиқа давомида пиширинг. Сувини тўкиб, пюре  тайёрлаб олинг.
4. Пиёзни майда тўғраб, товада қизартиринг, унга картошка, туз, мурч қўшиб, яхшилаб аралаштиринг.
5.  Хамирни 16-18 бўлакка бўлиб, зувалачалар ясанг ва  5-7 дақиқага тиндиринг.
6. Ҳар бир зувалачани юпқа қилиб ёйинг. Хамир ўртасига начинка солиб, четларини ёпиштириб чиқинг.
7. Қизиган ёғда пирожкиларнинг икки томонини қизартириб, пишириб олинг.
8. Ортиқча ёғларни шимиб олиши учун уларни салфетка устига қўйинг.