Yaponiyada hukmron Liberal-demokratik partiya sobiq bosh vazir Sindzo Abeni parlamentga chaqirishni taklif qildi, deb yozadi “Kommersant”. Kyodo agentligi manbalariga ko‘ra, u ziyofatlarga pul to‘lash uchun mablag‘lardan noqonuniy foydalanganlikda gumon qilinmoqda.
Agentlikning yozishicha, bunday tadbirdan maqsad — Sindzo Abening davomchisi, Yosixide Sugaga nisbatan ishonchga putur yetkazishi mumkin bo‘lgan jamoatchilik qahr-g‘azabiga yo‘l qo‘ymaslik. Manbalarning ta’kidlashicha, Abe parlamentga yil oxirigacha chaqirilishi mumkin.
Muxolifatchi partiyalarning talab qilishicha, Sindzo Abe uning siyosiy fondlarini boshqaradigan guruh 2015-yildan 2019-yilgacha hashamatli mehmonxonalarda uning tarafdorlari uchun uyushtirilgan ziyofatlarning bir qismini qoplash uchun 9 million iyena (taxminan, 90 ming dollar) sarf qilganligi haqidagi ayblovlarga javob berishi kerak.
Avvalroq Yaponiya prokuraturasi sobiq bosh vazir Sindzo Abening kotiblardan biriga nisbatan saylovchilarni sotib olish sxemasi bo‘yicha ish qo‘zg‘atgani, Tokio okrug prokuraturasi Yaponiya sobiq bosh vaziri Sindzo Abeni 2015-yildan 2019-yilga qadar Liberal-demokratlar partiyasi tarafdorlari uchun o‘tkazilgan banketlarning moliyalashtirilishi ishi bo‘yicha so‘roq qilish niyatida ekanligi xabar berilgan edi.
Eslatib o‘tamiz, Sindzo Abe 2020-yilning avgustida iste’foga chiqqandi. U hukumat boshqaruviga ilk bor 2006-yil kelgan, 2007-yil vazirlariga bildirilgan ishonch tushib ketgani uchun amaldan ketgandi. Davlat boshqaruviga ikkinchi bor 2012-yil kelgan Abe Yaponiyani bu safar 7 yildan ortiq boshqardi. Ikkinchi iste’fosini u salomatligidagi muammolar bilan izohlagandi. Sindzo Abe hukumat boshqaruvida rekord darajada uzoq ishlagan.
Izoh (0)