AQShning Moderna kompaniyasi ishlab chiqarishning so‘nggi bosqichida paydo bo‘lgan filtrlash muammolari tufayli o‘zining koronavirusga qarshi vaksinasining 400 000 dozasini yo‘q qildi. Bu haqda Bloomberg AQSh hukumati maslahatchisi Monsef Slauiga tayanib xabar qildi.
Moderna o‘zining koronavirusga qarshi vaksinasi kasallikning dastlabki bosqichdagilar uchun 94,1 foiz, kasallikning og‘ir shaklidagilar uchun 100 foiz samarali ekanligini ta’kidlamoqda.
Ma’lumot uchun, 17-dekabr kuni AQSh oziq-ovqat va farmatsevtika idorasi mutaxassislari agentlikka Moderna vaksinasini ro‘yxatdan o‘tkazishni ma’qullashni tavsiya qildi.
Avvalroq AQShda koronavirusga qarshi emlash boshlangani haqida xabar berilgandi.
Izoh (0)