Homiladorlik paytida COVID-19’ga chalingan ayollarda kasallik boshqalardagi o‘rtacha ko‘rsatkichdan og‘irroq o‘tmaydi, ularning farzandlari esa koronavirusga qarshi antitana bilan tug‘iladi. Bu haqda Singapurda o‘tkazilgan tadqiqot natijasi guvohlik bermoqda, deb yozadi “Interfaks” Guardian’ga tayanib.
Noyabr oyida Singapurda SARS-CoV-2 koronavirusiga qarshi antitanaga ega chaqaloq tug‘ilgani haqida xabar berilgan edi. Chaqaloq kasallikka chalinmagandi. Ushbu antitana unda qancha muddat saqlanib turishi va u chaqaloqni infeksiyadan yetarlicha himoya darajasi bilan ta’minlay olish-olmasligi hozircha noma’lum.
Tadqiqot 16 nafar ayolda o‘tkazilgan. Hozircha hech bir holatda virus onadan bolaga o‘tmagan. Aksariyat onalar kasallikni yengil o‘tkazgan. Yoshi katta va ortiqcha vaznga ega ayollardagina kasallik og‘ir o‘tishi holati kuzatilgan. Ayollarning barchasi sog‘aygan.
Tadqiqot natijalari nashr etilishiga yaqin unda ishtirok etgan ayollarning besh nafari o‘g‘il farzand dunyoga keltirgan, chaqaloqlarning barchasida antitana bo‘lgan. Ayollarning ikki nafari bolasidan ayrilgan. Tadqiqotchilar bu kasallikdan keyingi asoratlarning oqibati ekanligini istisno etmagan.
Izoh (0)