Ushbu retseptda go‘sht avval tomat pastasi bilan marinadlanadi. Baqlajon va pomidorning uyg‘unlashuvi taomga yanada o‘zgacha ta’m bag‘ishlaydi.
Kerakli mahsulotlar:
- Go‘sht – 600 gr;
- Piyoz – 1 dona;
- Sarimsoq – 2-3 bo‘lak;
- Tomat pastasi – 3 choy qoshiq;
- Suv – 150 ml;
- Baqlajon – 3 dona;
- Pomidor – 3 dona;
- O‘simlik yog‘i – 1 osh qoshiq;
- Pishloq – 100 gr;
- Ko‘kat, tuz, murch ta’bga ko‘ra.
- Go‘sht o‘rtacha kattalikda, piyoz parrak qilinib, sarimsoq va ko‘katlar esa mayda qilib to‘g‘raladi. Tomat pastasiga suv qo‘shilib, go‘sht, piyoz va sarimsoq ustidan quyiladi. Tuz hamda ziravorlar sepilib, 1 soatga muzlatkichga qo‘yiladi.
- Baqlajon aylana shaklida kesilib, tuz solingan suvga yarim sotga qo‘yiladi. So‘ng qog‘oz sochiqlar ustida quritiladi.
- “Zapekanka” pishiriladigan qolip yog‘lanadi. Avval baqlajon, ustidan go‘sht, yana baqlajon va pomidor terilib, qatlam hosil qilinadi. Usti falga qog‘oz bilan yopiladi.
- 200 daraja issiqlikdagi pechga 1 soat 20 daqiqaga qo‘yiladi. Tayyor bo‘lishidan 10-15 daqiqa avval pechdan olinib, ustiga qirg‘ichdan o‘tkazilgan pishloq sepiladi.
Izoh (0)