Kartoshka ichida pishirilgan go‘shtni rad etib bo‘lmaydi. Sababi kartoshka, go‘sht va pishloq – ajoyib tanlov! Tayyorlanishi oson, mazasini esa ta’riflash qiyin. Yaxshisi pishirib ko‘rish tavsiya etiladi.
Kerakli mahsulotlar:
- Kartoshka – 800-900 gr;
- Qiyma – 600 gr;
- Piyoz – 1 dona;
- Qattiq pishloq – 200 gr;
- Tuxum – 2 dona;
- Yog‘;
- Tuz, murch, ko‘kat.
- Avval “nachinka” tayyorlab olinadi.
- Buning uchun piyoz mayda bo‘laklanadi.
- Tillarangga kirguncha yog‘da qovuriladi.
- Qovurilgan piyozga qiyma qo‘shiladi va 10 daqiqa davomida pishiriladi. So‘ng ko‘kat, tuz va murch solinib, aralashtiriladi va sovitishga qo‘yiladi.
- Tozalangan kartoshka qirg‘ichning katta teshigidan o‘tkaziladi va quritish uchun mato ustiga yoyiladi.
- Pishloq ham shu tarzda qirg‘ichdan o‘tkaziladi.
- Kartoshka va pishloq aralashtiriladi va tuz solinadi. Agar pishloq tuzli bo‘lsa, kamroq solish tavsiya etiladi.
- Kichkina stakan olib, ichiga qandolat qog‘ozi joylashtiriladi. Ustiga ikki osh qoshiq kartoshkali aralashma yoyiladi.
- Ustidan 2 osh qoshiq qiymali aralashma joylashtiriladi va qoshiq bilan tekislanadi.
- Yana kartoshkali aralashma solinadi, so‘ng qandolat qog‘ozi yordamida massadan dumaloq sharchalar hosil qilinadi va qog‘ozni olib tashlab, yog‘langan tova ustiga teriladi.
- 180-200 darajada 35-40 daqiqaga pechga qo‘yiladi.
Izoh (0)