Saharlik uchun sabzavotlardan “zapekanka​” tayyorlang

Ro‘za vaqtida yengil va foydali taomlar ayni muddao. Nima pishirsam ekan, deb boshi qotgan ayol-qizlarga oson tayyorlanadigan “zapekanka​” retseptini havola qilamiz.

Buning uchun quyidagi mahsulotlar kerak bo‘ladi:

• sut/qaymoq — 100 ml;
• pomidor — 3 dona;
• baqlajon — 2 dona;
• tuxum — 1 yoki 2 dona;
• pishloq;
• qovoqcha;
• ta’bga ko‘ra ziravorlar.

Tayyorlash jarayoni:

1. Qovoqcha va baqlajonni artib, dumaloq qilib kesing va o‘simlik yog‘iga solib qovuring.
2. Pomidorni ham dumaloq qilib to‘g‘rang.
3. Idishni yog‘lang va sabzavotlarni terib chiqing. Sabzavot ustiga murch, tuz, rayhon va ziravorlarning quritilgan kukunini qo‘shing.
4. Sutga tuxum chaqing, pishloqni qirg‘ichdan chiqarib qo‘shing va yaxshilab aralashtiring.
5. Aralashmani sabzavot ustiga quying va 25 daqiqaga qizigan pechga qo‘ying.

Yoqimli ishtaha! Mavzuga doir:

• Iftorlik uchun turkcha tansiq taom — pishloq va tuxumli pide tayyorlaymiz
• Saharlik va iftorlikka o‘z qo‘lingiz bilan non pishiring: turkcha simit retsepti
• Iftorlik dasturxonini ozarbayjoncha ko‘katli cheburek bilan bezang