“Daryo”ni Telegram’da o‘qing! Join!
12:56, 27.07.2020 10616

Qovoqcha, qiyma va pomidorli “zapekanka” tayyorlaymiz

“Zapekanka”ning yoqimli ifori va og‘izda eriydigan ta’mi sizni maftun qilmay qo‘ymaydi. Yengil va to‘yimli mazkur taomni tushlik yoki kechki ovqatga pishirish tavsiya qilinadi.

Foto: Lifehacker

Kerakli mahsulotlar:

  • Qovoqcha (kabachki) — 3 dona
  • Tuz ta’bga ko‘ra
  • Piyoz — 1 dona
  • O‘simlik yog‘i — 3 osh qoshiq
  • Qiyma — 500 gr
  • Go‘sht uchun ziravorlar ta’bga ko‘ra
  • Pomidor — 3-4 dona
  • Pishloq — 100 gr
  • Tuxum — 2 dona
  • Smetana — 3-4 qoshiq

Tayyorlanish jarayoni:

  • Qovoqchani qirg‘ichdan chiqarib oling, tuzlang va 15 daqiqaga qoldiring.
  • O‘simlik yog‘i solingan tovada maydalangan piyozni qovurib oling.
  • Qiymani qo‘shing, aralashtiring, tuz va ziravorlarni soling va 10 daqiqa pishiring.
  • Pomidorni dumaloq shaklda to‘g‘rang, pishloqni qirg‘ichdan chiqaring.
  • Tuxum, smetana va tuz solib aralashtiring.
  • Pechga qo‘yishga mo‘ljallangan qandolat idishi chetlariga mahsulotlar yopishib qolmasligi uchun yog‘ surting.
  • Qovoqchaning bir qismini soling, ustidan qiyma keyin bo‘lsa yana qovoqcha tering.
  • Pomidor soling, smetanali sousni ustidan quying.
  • 180 daraja qizigan pechda 40 daqiqa davomida pishirib oling.

Yoqimli ishtaha!

Izoh qoldirishdan avval, qoidalar bilan tanishib oling: http://dy.uz/QbkeZ