Ukraina Prezidenti Vladimir Zelenskiy “Ukraina xalqaro avialiniyalari” samolyoti Eronda urib tushirilgani haqidagi taxminlar inkor etilmayotgani, ammo hozircha o‘z isbotini topmagani”ni bildirdi. Bu haqda Meduza xabar bermoqda.
“OAVlarda davlat rahbarlarining so‘nggi bayonotlarini hisobga olgan holda barcha xalqaro sheriklarni, birinchi navbatda, AQSh, Kanada va Buyuk Britaniya hukumatlarini halokatga oid ma’lumot va dalillarni tergov komissiyasiga taqdim etishga chaqiramiz”, — deb yozgan Zelenskiy o‘zining Facebook’ida.
“Maqsadimiz — so‘zsiz haqiqatni aniqlashdir”, — deb ta’kidlagan Ukraina prezidenti.
Mavzuga doir: Eron Ukraina samolyotining raketa bilan urib tushirilgani haqidagi ma’lumotni “psixologik urush” deb hisoblaydi
Amerika OAV, jumladan, CNN manbalari samolyotning qulashiga raketa uchirishdagi xato ham sabab bo‘lishi mumkinligi haqida xabar tarqatgan. Iordaniyaning “Al-Hadath” nashri samolyot tasodifan Eron raketasi bilan urib tushirilgan bo‘lishi mumkin, deb yozgandi. Eron hukumati esa dvigateldagi alangalanish halokatga sabab bo‘lganini ma’lum qildi.
Keyinroq Kanada bosh vaziri Ukraina samolyotini Eron raketasi urib tushirganini ma’lum qilgan. Buyuk Britaniya bosh vaziri Boris Jonson ham kanadalik hamkasbining fikrini qo‘llab-quvvatlab chiqdi — uning aytishicha, Britaniyada samolyot Eron raketasi bilan urib tushirilganini tasdiqlovchi dalillar bor.
Izoh (0)