Eronlik internet faoli Narimon G‘arib Twitter’dagi sahifasida, o‘zining ta’kidlashicha, Tehron yaqinida “Ukraina xalqaro avialiniyalari”ning Boeing 737 samolyotiga raketaning kelib urilishi aks etgan videoni e’lon qildi.
The footage i've got from a source - the moment the missile hit the #Flight752. I can't verify the video yet! but please let me know if you find anything. I'm in contact with the person who send this video to see if I can get a version of video which has a meta data on it pic.twitter.com/HtesW5uecB
— 🤖Nariman (@NarimanGharib) January 9, 2020
The New York Times (NYT) gazetasining xabar berishicha, video Tehron yaqinidagi Parand aholi punktida olingan. Nashrning qayd etishicha, Ukraina samolyoti aynan shu hudud ustdan uchib o‘tayotganida aloqaga chiqishni to‘xtatgan. Video haqiqatan ham Parandda suratga olinganini Bellingcat va Conflict Intelligence Team’ning mustaqil surishtiruvchilari ham tasdiqladi.
Наши коллеги из Bellingcat установили, что видео предполагаемого попадания иранской ракеты в украинский самолет было снято в населенном пункте Паранд в пригороде Тегерана, где была отмечена последняя точка транспондера самолета. Мы пришли к тому же выводу.https://t.co/baLPqtKtLs pic.twitter.com/mD8LDojzXp
— CIT (@CITeam_ru) January 9, 2020
Videoyozuvga qarab xulosa qilinadigan bo‘lsa, samolyot unga raketa kelib urilganidan keyin ham bir necha daqiqa davomida parvoz qilishda davom etgan. Shundan so‘ng, NYT asoslangan boshqa videoyozuvlarda ko‘ringanidek, samolyot aeroport tomon qaytib burilgan va ko‘p o‘tmay, portlab ketgan va qulagan.
“Ukraina xalqaro avialiniyalari”ning Kiyevga uchayotgan Boeing 737 samolyoti 8-yanvar ukni, Tehrondan havoga ko‘tarilganidan ko‘p o‘tmay qulagan edi. Eron samolyot dvigatellardan birining yonib ketishi oqibatida qulaganini ta’kidlagan edi.
Avvalroq, 9-yanvar kuni Kanada bosh vaziri Jastin Tryudo, mamlakat razvedkasi ma’lumotlariga asoslanib, Ukraina “Boingi” Eronning “yer—havo” tasnifidagi raketasi bilan urib tushirilganini ma’lum qilgandi. Uning qayd etishicha, bu tasodifan yuz bergan bo‘lishi mumkin.
Amerika nashrlarining manbalarga asoslanib xabar berishicha, layner “Tor” zenit-raketa majmuasining bitta yoki ikkita raketasi bilan urib tushirilgan bo‘lishi mumkin. Aviahalokat yuz bergan oqshomda Eron AQShning Iroqdagi harbiy bazalariga raketa zarbalari bergan edi.
Eron yo‘lovchi samolyoti raketa bilan urib tushirilgani haqidagi xabarlarni qat’iy rad etib kelmoqda.
