Eron Ukrainaning Boeing 737 samolyotining Tehron raketasi bilan urib tushirilgani haqidagi ma’lumotni “psixologik urush” deb hisoblaydi. Bu haqda Eron hukumatining rasmiy vakili Ali Robiiyning so‘zlariga asoslanib “Kommersant” xabar berdi.
“Tehron aviahalokat oqibatlarini o‘rganishda fuqarolari halok bo‘lgan mamlakatlar vakillari ishtirokini qo‘llab-quvvatlaydi, shuningdek, Boeing’dan jarayonda ishtirok etishi uchun o‘z vakilini yuborishini so‘raydi”, — deydi Robiiy.
Eron fuqaro aviatsiyasi tashkiloti rahbari samolyotning raketa bilan to‘qnashuvi oqibatida qulaganini yana bir bor inkor etdi. U samolyot yonidan raketa bo‘laklari topilgani haqidagi ma’lumotni ham rad etdi.
Ma’lumot uchun, 8-yanvar kuni Eronda Ukrainaning bortida 176 kishi bo‘lgan Boeing samolyoti quladi. Halokat oqibatida laynerning barcha yo‘lovchilari halok bo‘ldi.
Avvalroq Ukraina milliy xavfsizlik kengashi Tehronda qulagan Boeing samolyotining halokati sabablari sifatida terakt, raketa hujumi yoki dvigatelning texnik sabablarga ko‘ra portlab ketishini ko‘rsatgan edi.
AQSh prezidenti Donald Tramp samolyotning texnik nosoz bo‘lganiga ishonmayapti.
Pentagon esa Eronning Ukraina Boeing’ini tasodifan zenit raketasida urib tushirgan deb hisoblamoqda. Kanada bosh vaziri Jastin Tryudo ham shunday fikrda.
Mavzuga doir:
- Eronda Ukrainaning Boeing samolyoti quladi. Uning bortida 180 kishi bo‘lgan
- OAV: Eronda qulagan Ukraina samolyotining barcha yo‘lovchilari halok bo‘lgan
- Ukraina Boeing samolyoti qulashiga terakt yoki raketa hujumi sabab bo‘lganini taxmin qildi
- “Kimdir xato qilgan bo‘lishi mumkin”. Tramp Eronda qulab tushgan Ukraina samolyoti texnik nosoz bo‘lganiga ishonmayapti (video)
- Pentagon Eronning Ukraina Boeing’ini tasodifan zenit raketasida urib tushirgan deb hisoblamoqda
- Video: Eronda Ukraina samolyotiga berilgan ehtimoliy raketa zarbasi
- Kanada bosh vaziri Ukraina samolyotini Eron raketasi urib tushirganini ma’lum qildi
Izoh (0)