Kelini va uch nabirasi Magnitogorskdagi portlashda halok bo‘lgan, o‘g‘li esa kasalxonada yotgan tojikistonlik Shuhrat Ulfatovning onasi To‘tixonga yaqinlari fojia haqida xabar bermadi. Bu haqda Asia-Plus ma’lum qildi.
“Shuhratning ukasi Talabsho 3-yanvar kuni Janubiy Koreyadan keldi. Onasi esa fojiadan bexabar uning to‘yiga tayyorgarlik ko‘rmoqda. Biz u kishiga bu haqda aytishga botinmadik”, — deydi Ulfatovlar oilasining qarindoshlari.
Ulfatovlar oilasida 6 nafar farzand bo‘lib, Shuhrat to‘ng‘ich o‘g‘il, yana uch o‘g‘il va ikki qiz bor. Shuhratning oilasi Magnitogorskka 2014-yilda ko‘chib borgan va u yerda gaz portlashida qulagan uyning 6-qavatidagi xonadonni ijaragi olgandi.
Shuhratning otasi Maxmadsho va ikki ukasi oxirgi paytda Janubiy Koreyada ishlayotgandi. Ular Magnitogrskdagi portlashdan bexabar Tojikistonga chipta xarid qilgan va Talabshoning to‘yini o‘tkazish uchun kelayotgandi.
Maxmadsho Koreyadan Qozog‘istonga, undan nari Chelyabinskka uchib keldi. U o‘g‘lini ko‘rgani kasalxonaga bordi va hozirda kelini hamda uch nabirasi jasadini Tojikistonga jo‘natish bilan mashg‘ul bo‘lmoqda.
Izoh (0)