Markaziy bank so‘rovnomasida ishtirok etganlarning 80 foizi 12 oy ichida iqtisodiy ahvolning yaxshilanishiga ishonch bildirdi

Markaziy bank tomonidan 2018- yilning birinchi yarim yilligida inflyatsion kutilmalar bo‘yicha so‘rovnoma o‘tkazildi, deb xabar beradi Spot.

So‘rovnoma natijasi asosan pessimistik ruhda bo‘ldi.

Yanvar oyidan iyun oyiga qadar o‘tkazilgan so‘rovnomada 750 nafar jismoniy va 300 nafar yuridik shaxslar ishtirok etdi.

Narxlar va daromadlar muvofiqligi qay darajada o‘zgargani haqidagi savolga aksariyat ishtirokchilar (65 foiz) o‘tgan 12 oy ichida xarajatlar daromadlariga nisbatan ko‘payganini qayd etgan. So‘ralganlarning yarmi kelgusi 12 oyda ham xuddi shunday holatni kutayotganini ma’lum qilgan.

Respondentlarning 80 foizi mamlakatdagi iqtisodiy ahvol kelgusi 12 oyda yaxshilanishiga ishonch bildirgan.