Toshkent shahri, Mirzo Ulug‘bek tumanida yashovchi M.A. 17-iyul kuni Jizzax viloyatining Zarbdor tumani IIBga talonchilikka duch kelgani yuzasidan murojaat qildi. Bu haqda IIV jamoatchilik va OAV bilan aloqalar boshqarmasi xabar berdi.
Arizachiga ko‘ra, shu yil 11-iyul kuni Nexia rusumli mashinasida Lolazor mahallasi hududida ketayotganda beton ariqqa tushib ketadi. Shu yerdan o‘tib ketayotgan A.E. boshqaruvidagi Nexia avtomobilini to‘xtatganida uning yo‘lovchilari Z.A., G‘.X. va D.U. mashinani ariqdan chiqarib berib, yo‘l ko‘rsatib yuborishlarini aytadi.
Beruniy MFY hududiga yetib kelganlarida M.A. chalg‘iganligidan foydalanib, 3.780.000 so‘m puli va mashinasining ehtiyot qismlarini olib, voqea joyidan yashirinadi.
Mazkur holat yuzasidan A.E., Z.A., G‘.X. va D.U. qo‘lga olindi.
Izoh (0)