Марказий банк сўровномасида иштирок этганларнинг 80 фоизи 12 ой ичида иқтисодий аҳволнинг яхшиланишига ишонч билдирди

Марказий банк томонидан 2018- йилнинг биринчи ярим йиллигида инфляцион кутилмалар бўйича сўровнома ўтказилди, деб хабар беради Spot.

Сўровнома натижаси асосан пессимистик руҳда бўлди.

Январь ойидан июнь ойига қадар ўтказилган сўровномада 750 нафар жисмоний ва 300 нафар юридик шахслар иштирок этди.

Нархлар ва даромадлар мувофиқлиги қай даражада ўзгаргани ҳақидаги саволга аксарият иштирокчилар (65 фоиз) ўтган 12 ой ичида харажатлар даромадларига нисбатан кўпайганини қайд этган. Сўралганларнинг ярми келгуси 12 ойда ҳам худди шундай ҳолатни кутаётганини маълум қилган.

Респондентларнинг 80 фоизи мамлакатдаги иқтисодий аҳвол келгуси 12 ойда яхшиланишига ишонч билдирган.