Yangiyer kichik sanoat zonasida energiyani 90 foizgacha tejaydigan lampalar ishlab chiqarilmoqda. Bu haqda “Xalq so‘zi” xabar berdi.
Ushbu loyiha Fly Led Group mas’uliyati cheklangan jamiyati tomonidan amalga oshirildi. Hozirda korxonada 5 voltdan 15 voltgacha bo‘lgan ana shunday LED lampalari tayyorlanmoqda. Ular turdoshlariga nisbatan yaroqlilik muddati uzoqligi bilan ham ajralib turadi.
Jamiyat ish boshqaruvchisi Lola Xidirovaning aytishicha, kuniga o‘rtacha 7000 ta mahsulot ishlab chiqarilib, buyurtmachilarga yetkazib berilyapti. Ushbu zamonaviy yoritqichlar qo‘shni Tojikiston va Qozog‘istonga eksport qilinishi kutilmoqda.
Jamoa kuzgacha yana bir yirik loyihani amalga oshirib, avtomobillar ehtiyot qismlari ishlab chiqarishni yo‘lga qo‘yish harakatini boshlab yubordi.
Izoh (0)